O Concello de Plasencia e a súa Policía Local deron un paso importante en mobilidade e seguridade viaria: a Policía Local xa patrulla con OCR-ID, o sistema de lectura automática de matrículas de Labrax Soluciones, con cámaras Lynet de Adaptive Recognition.
Integrado na plataforma policial e conectado coa DGT
As lecturas intégranse en Appolo Traffik, o módulo de tráfico de Appolo, a plataforma de xestión policial que o Concello incorporou o ano pasado. Mentres a patrulla circula, o sistema comproba en tempo real coa DGT o seguro, a ITV e outras incidencias do vehículo.
O obxectivo: que o tráfico funcione
Na presentación, o alcalde, David Dóniga, resumiuno así: o obxectivo non é recadar, senón que o tráfico funcione. Na práctica, iso significa:
- Máis rotación nos aparcadoiros, como os da rúa Velázquez ou La Isla.
- Zonas de carga e descarga que se usan para cargar e descargar.
- Prazas de mobilidade reducida libres para quen as necesita.
As xeocercas GPS fan o traballo repetitivo para que os axentes poidan estar onde de verdade fan falta.
Un equipo que cambia de coche
O equipo non vai atado a un só vehículo: móvese dun coche a outro, rotulado ou camuflado, segundo o que necesite cada servizo.
Tecnoloxía que non se ve, pero nótase
Labrax Soluciones agradécelle ao Concello de Plasencia e á súa Policía Local, en especial ao intendente José Antonio Quijada e ao subinspector Gonzalo David, a súa aposta pola tecnoloxía ao servizo da veciñanza. Para Labrax, iso é unha cidade intelixente: tecnoloxía que non se ve, pero nótase.
Sobre Labrax Soluciones
Labrax Soluciones é unha empresa tecnolóxica galega, con sede na Coruña e oficinas en Culleredo e Madrid, especializada en software para administracións públicas, forzas de seguridade e servizos de emerxencia.
